Тренчовски: Во вториот дел игравме на се или ништо, честитки до моите играчи

Академија Пандев по лошиот период пролетва конечно врза два добри резултати. Откако во минатото коло славевме над Скопје, денес одигравме реми против новиот шампион Шкендија иако имавме негатива од 0-2.

Тренерот на нашата екипа, Југослав Тренчовски по мечот имаше само пофалби за играчите, но и комплименти кон тимот од Тетово.

„Освоивме драгоцен бод во натпревар против новиот шампион Шкендија, според мене убедливо најдобриот тим во првенството. Ритамот на натпреварти недела-среда си го створи своето. Се обидуваме со ротација во тимот да останеме свежи и делумно успеваме. Што се однесува до второто полувреме денес, сакам да истакнам дека одигравме на се или нишот, по цена и да примиме трет гол. Честитки до моите играчи кои во овие тешки психолошки моменти за тимот најдоа сили да се вратат против Шкендија после 0-2“, изјави Тренчовски.